Бацькоўскі ўніверсітэт
Актуальнай формай арганізацыі работы з бацькамі ў 2023/2024 навучальным годзе ва ўстановах агульнай сярэдняй адукацыі становіцца прадаўжэнне рэалізацыі праекта “Бацькоўскі ўніверсітэт”.
Школа з’яўляецца важнейшым сацыяльным інстытутам, з якім сям’я ўзаемадзейнічае на працягу ўсяго навучання дзіцяці. Эфектыўнасць адукацыі і выхавання дзіцяці шмат у чым залежыць ад таго, наколькі цесная гэтая сувязь. Супрацоўніцтва сям’і і школы ў інтарэсах дзіцяці можа быць паспяховым толькі ў тым выпадку, калі яны стануць саюзнікамі, што дасць магчымасць ім лепш даведацца пра дзіця, улічваць яго індывідуальныя асаблівасці пры развіцці яго здольнасцей дзіцяці, сфарміраваць жыццёвыя арыенціры і каштоўнасныя прыярытэты.
Мэта Бацькоўскага ўніверсітэта – павышэнне педагагічнай і псіхалагічнай культуры бацькоў, фарміраванне адказнага, пазітыўнага бацькоўства. Універсітэт педагагічных ведаў для бацькоў павінен садзейнічаць устанаўленню кантактаў бацькоў са школай, узаемадзеянню бацькоў і педагогаў у выхаванні, развіцці і сацыялізацыі дзіцяці.
Асноўныя задачы Бацькаўскага ўніверсітэта:
- фарміраванне каштоўнасна-сэнсавых асноў бацькоўства; актуалізацыя пачуцця адказнасці за выкананне бацькоўскіх функцый;
- фарміраванне і развіццё псіхолага-педагагічных кампетэнцый бацькоў у галіне сямейнага выхавання (фарміраванне ведаў аб сямейнай псіхалогіі, дзіцяча-бацькоўскіх адносінах, узроставых асаблівасцях дзяцей, фарміраванне гарманічных сямейных адносін, навыкаў канструктыўнага ўзаемадзеяння з дзецьмі і інш.), садзейнічанне развіццю навыкаў самаадукацыі бацькоў;
- забеспячэнне мэтанакіраванай работы па прафілактыцы сямейнага недабрабытуі сацыяльнага сіроцтва, зніжэнне рызыкі канфліктных сітуацый і крызісных станаў, узнікнення цяжкасцей у сямейным выхаванні, аказанне своечасовай псіхолага-педагагічнай і інфармацыйнай дапамогі сем’ям, якія трапілі ў цяжкую жыццёвую сітуацыю;
- арганізацыя эфектыўнага супрацоўніцтва і партнёрства бацькоў навучэнцаў і ўстановы адукацыі і г.д.
Мэтавая група - бацькі (законныя прадстаўнікі) навучэнцаў.
Напрамкі працы Бацькоўскага ўніверсітэта:
- Арганізацыйны:
- фарміраванне вочнай і дыстанцыйнай форм навучання ў Бацькоўскім універсітэце;
- распрацоўка “Інтэрнэт-сайта бацькоўскага ўніверсітэта”;
- стварэнне ў папулярных сацыяльных сетках (“Укантакце”, “Аднакласнікі”, “Facebook”) Інтэрнэт-рэсурсаў для размяшчэння інфармацыі аб дзейнасці Бацькоўскага ўніверсітэта (анонс маючых адбыцца сустрэч, навіны аб мінулых сустрэчах, матэрыялы адукацыйнага характару для бацькоў і г.д.) .
- Інфармацыйна-асветніцкі:
- прэзентацыя зместу праграмы і мерапрыемстваў Бацькаўскага ўніверсітэта;
- арганізацыя псіхолага-педагагічнай асветы бацькоў па розных аспектах сямейнага выхавання:
- прававое: аб магчымасцях, правах і абавязках у ажыццяўленні адукацыйных патрэб сям’і;
- псіхолага-педагагічны: аб метадах і формах выхавання, навучання дзіцяці;
- грамадзянскі: аб шляхах развіцця адукацыі, школы.
- кансультаванне бацькоў па юрыдычных, псіхолага-педагагічных і іншых праблемах.
III. Змястоўны:
- навукова-метадычнае забеспячэнне фарміравання псіхолага-педагагічнай кампетэнтнасці бацькоў у галіне выхавання і развіцця дзяцей з улікам сацыякультурных традыцый, сучасных праблем і асаблівасцей развіцця грамадства;
- пашырэнне выхаваўчага і творчага патэнцыялу бацькоў і сям’і ў цэлым.
Выхаваўчая дзейнасць Бацькоўскага ўніверсітэта будуецца:
- на адзнацы бацькамі ўласнага жыццёвага вопыту;
- на набыцці новых спазнанняў у апоры на ўласныя ўнутраныя рэзервы;
- на стабільных зносінах дзяцей і іх бацькоў;
- на фарміраванні атмасферы пошуку новых ведаў;
- на самаўдасканаленні бацькоў праз усведамленне імі індывідуальнага погляду на дзіця;
- на развіцці творчых здольнасцей членаў сям’і;
- на ўменні бачыць вынікі развіцця дзяцей;
- ва ўменні бачыць цяжкасці і шукаць шляхі іх пераадолення, выбудоўваць лесвіцу поспеху.
Праца Бацькоўскага ўніверсітэта арганізуецца з улікам заканамернасцяў развіцця дзіцяці ў розныя ўзроставыя перыяды па трох ступенях: I ступень – “Маё дзіця – малодшы школьнік” – для бацькоў навучэнцаў I-IV класаў устаноў агульнай сярэдняй адукацыі,
II ступень – “Маё дзіця – падлетак” – для бацькоў навучэнцаў V-IX класаў устаноў агульнай сярэдняй адукацыі,
III ступень – “Маё дзіця – старшакласнік” – для бацькоў навучэнцаў X-XI класаў устаноў агульнай сярэдняй адукацыі.
Прапанаваныя напрамкі будуць садзейнічаць уключэнню бацькоў у актыўнае супрацоўніцтва са школай у вырашэнні праблем сямейнага выхавання. Арганізацыя ўзаемадзеяння з бацькамі навучэнцаў у рамках Бацькоўскага ўніверсітэта дасць магчымасць аб’яднаць намаганні бацькоў, педагогаў, педагогаў-псіхолагаў, педагогаў сацыяльных і іншых спецыялістаў па арганізацыі канструктыўнага дыялога ў пошуку адказаў на актуальныя пытанні сямейнага выхавання.